sIrAna kOlakAla 500 - 199

 

500 - 199 சீரான கோலகால - விராலிமலை

 

ஆடம்பரமான கிரீடங்களையும், 

ஆறுமுகங்களையும்,

பன்னிரு தோள்களையும் 

இரு திருவடிகளையும்,

வேடர்மகள் வள்ளியையும், 

இந்திரன்மகள் தேவயானையையும்,

உனது திருக்கோலத்தையும்,

வேலையும் மயிலையும் கண்டு 

மகிழ்ந்தவனாக நான் இருப்பினும்,

தினம் இவைகளைத் 

தியானம் செயும் பேற்றை வேண்டுகிறேன்.

மதுரையில் அம்பலத்தில் ஆடின சிவனார்

இயற்றிய அகப்பொருள் 

எனும் நூலுக்கு பொருள் கூற

ஊமை பிள்ளைபோல் செட்டிகுலத்தில் தோன்றி,

திருவிளையாடல் புரிந்த தீரனே,

வரங்களை கொடுப்பவனே, குருநாதனே,

பாரதப் போரில் சூரியனை 

சக்கிரத்தால் மறைத்த கிருட்டிணன் மருகனே,

காவேரிக் கரையில் உள்ள வயலூரிலும்

விராலிமலையிலும் 

வீற்றிருக்கும் பெருமாளே.