பணமுள்ளவர்களைத் தேடிச்சென்று,
அவர் மீது கவி பாடி
நாளை வீணாக்கலாமோ,
உன் பாதங்களை தந்தருள்வாய்.
ரிஷப வாகனர்,
திரிசூலத்தை ஏந்தினவர்,
ஆன சிவபெருமானும்
உமாதேவியும் கண்டுமகிழ
தளர்நடை இட்டு
அவர்கள் முன் வருபவனே,
திருத்தணிகையில்
உலாவும் பெருமாளே.
உலகமயக்கம் நீங்கி
நான் தெளிவுறவில்லை,
உன்னை அறியவில்லை,
உலகமெல்லாம் சுற்றித் திரிகின்றேனே,
உன்னை தொழவில்லையே,
சிவவாழ்வு எனும் நிலை
தந்து என்னை ஆள்வாய்,
சூரர் குலத்தை வென்ற
பழநிமலை வாழ் பெருமாளே.
இந்த உலக வாழ்க்கையிலும்,
அதோடுவந்த நோய்களிலும்
நான் வருந்தாமல்,
திருவடியை அடைவேனோ.
வாயு மகனான அனுமன்,
வாலி மகனான அங்கதன்,
கடலில் கல்லு போட்டு
கட்டின அணை வழியாக
இலங்கை அடைந்து,
ராவணனை அம்பினால்
கொன்ற ராமனின் மருகனே,
சூரன் பத்மன் சிங்க முகன்,
தாரகாசுரன் ஆகியோரை வென்றவனே,
முனிவர்களும், தேவர்களும்,
ஞானம் அடைந்த
பழமுதிர்சோலையில்
வீற்றிருக்கும் பெருமாளே,
தியாகமூர்த்தியாம்
சிவபிரான் ஈன்ற பெருமாளே.
வயதாகி, வியாதி வந்து,
உயிர் நீங்கும் முன்
உனது திருப்புகழைக் கற்று,
உன் திருவடியை வணங்கி,
பிறப்பை அறுத்து
மோக்ஷம் அடைய அருள்வாயே
சூரனின் சேனையையும்
அவனையும் கொன்றவனே,
இந்திரன் மகள் தேவயானைக்கும்
வள்ளிக்கும் மனதை பறிகொடுத்தவனே,
க்ரௌஞ்சமலையையும் அழித்து,
மேலான மலையில்
வீற்றிருக்கும் பெருமாளே.
மாய ஆசைகளில் மயக்கம் அடைந்து,
மனம் நோகாமல்
உன் பாதங்களில் பணியும்
அருள் தருவாய்.
சூரனை வென்ற வலிமை மிக்க வீரனே,
ஆலகாலத்தை உண்டவரும்,
திருநடனம் புரிபவரும் ஆன
உனது தந்தை மகிழ்ச்சி அடைய
உபதேச மொழியை அருளி,
சோலையில் வீற்றிருக்கும் கந்தனே,
ஆதிமுதல்வனாக வந்த பெருமாளே.
முன்வினைகளின் காரணமாக
இங்கு பிறந்து,
காலன்
என்னை நெருங்காதபடி
நான் நர்கதி அடைய
திருமாலும் பிரமனும் கண்டறியாத
ஞானநடனத்தை ஆடிவருவாய்.
தேவயானையின் மணவாளனே,
ஆறு திருமுகங்களையும்
பனிரெண்டு கரங்களையும் உடையோனே,
சூரனை வென்ற வேலனே,
பழமுதிர்சோலையில்
மேவி விளங்கும் பெருமாளே.
தாயின் வயிற்றில் உருவமெடுத்து,
இந்த பூமியில் பிறந்து,
உன்னை நினையாமல்
மனைவி மக்களோடு வாழ்ந்த எனக்கு
உன் புகழை ஓதி
ஞானம் அடையும் நாள் வருமோ.
அசுரர்கள் மாள போர் செய்தவனே,
யானை வளர்த்த மகள்
தேவயானையையும்
வள்ளியையும் அணைத்தவனே,
பழமுதிர்சோலையில் வீற்றிருப்பவனே,
அன்பர்கள் போற்றும் பெருமாளே,
சுவாச வாயு போகிறவழி
அறிவில்லாதவனான
எனக்கு அருளும் முத்தியும்
கிடைக்குமாறு அருள்வாய்.
குதிரை வியாபாரி என வந்து,
குதிரைகளை விற்ற மாணிக்கவாசகரை
அடிமையாகக் கொண்ட
கிருபாகரமூர்த்தி,
சிவபிரானின் இடப்பக்கம்
உறைகின்ற தேவி ஈன்ற செல்வமே,
காசி, இராமேசுரம்,
திருச்செங்கோடு, திருவாரூர்,
வேலூர், காஞ்சி, மதுரை,
திருப்பறியல், திருவானைக்கா,
திருப்புனைவாசல்,
திருவண்ணாமலை, திருத்தணிகை,
திருச்செந்தூர், நாகப்பட்டினம்,
சீகாழி, வைத்தீசுரன் கோயில்,
பழநி, திருக்குறுக்கை,
திருநாவலூர், திருவெண்ணைநல்லூர்,
எனும் தலங்களில் விளங்கும் உனக்கு
சோலைமலையிலும் உறைகின்ற
முத்தர்கள் புகழும் தம்பிரானே.
முதன்மையாகி, தலைவனாகி,
மேம்பட்டவனாகி, யானாகி,
பிரமனாகி, திருமாலாகி, சிவனாகி,
அம்மூவருக்கும் மேலான பொருளாகி,
யாவுமாகி, இனிமை தரும்
பொருளாகி வருபவனே.
இந்த பூமியில் எளியவனாகிய
அடியேனும் வாழ எனதுமுன் ஓடிவரவேணும்.
அழகனே, வேடன் செய்த பூஜை மகிழ்வுடன் ஏற்றவனே,
கதிர்காமத்தில் உறைபவனே,
ஆடும் மயிலோனே,
பழமுதிர்சோலையில
வீற்றிருக்கும் பெருமாளே.
யமனிடத்தில் அடங்கி,
சுடுகாட்டிற்கு போகுமுன்
எனக்கு நல் அறிவு தர
மனம் பொருந்துவாய்.
ஏழு மராமரங்களை
அம்பைவிட்டு வீழ்த்தி,
வாலியை அழித்து,
ராவணனின் பத்துத்
தலைகளும் வீழ்த்தின
ராமனின் சிறந்த மருமகனே,
கவி அரசனாக
தேவாரங்களை ஓதினவனே,
ஒப்பற்ற தலைவனே,
புலியூரில் வீற்றிருக்கும் பெருமாளே.
பல நோய்களோடுள்ள வேடங்கள் பூண்டு,
நான் இறந்துவிடாமல்
முத்துவீட்டை கிட்ட
என் உள்ளம் வேண்டாதோ.
கடல், சூரன், மற்ற அசுரர்கள்
அழிய வேலை செலுத்தினவனே,
பச்சை நிறம் கொண்ட உமாதேவியை
தன் இடபாகத்தில் வைத்த
சிவபிரான் பெற்ற குழந்தையே,
கற்பக விநாயகருக்குப்
பின் தோன்றிய சரவணனே,
பிரணவத்தை எங்கனம் ஓதுவிக்க வேண்டும்
எனத் தெரிந்த தலைவனே,
வள்ளியை மணந்தவனே,
புலியூரில் அழகுவாய்ந்த
கோபுரத்தில் மகிழும் தம்பிதானே.
கணக்கற்ற உருவங்கள் எடுத்து
அழிந்துபோன என்னை
ஆண்டருளி உனையே
நினைக்கும்படியான
உள்ளதை தந்தருள்வாய்.
அசுரர்கள் அழிய
வேலை செலுத்தினவனே,
வள்ளியை அணைத்தவனே,
தேவயானையை மணந்தவனே,
சபையில் நடனம் செய்த
அம்பலவாணரின் குருநாதனே.
மனமே உனக்கு உறுதி தருகிறேன் வா,
மயிலை வாகனமாகக் கொண்டவன்,
அடியார்கள் அரசன்,
மும்மலங்களையும் அழிக்கவல்லவன்,
அவனைத் தொழுவாய்.
உமாதேவியை பக்கத்தில் கொண்ட
சிவபிரானின் குருநாதனே,
அரி, அரன், அயன் மூவரும் துதிசெய்ய
சூரனை வென்றவனே,
வள்ளிக்காக உருகும் முருகனே,
மணம் கமழும் புலியூரில் உறைபவனே.
சிவனுக்கு குருநாதனே,
கருணையுடன் உபதேசிப்பவனே,
உண்மைப் பொருளை
உபதேசிக்க வல்லவனே,
முத்தியை தருபவனே,
சிவாயநம எனும் பெருமாள்,
பார்வதியின் மணாளன்,
வினைகள் அழித்து
என்னை பிரபஞ்சத்தில்
புகுத்தாமல் விட்டவன்,
சிதம்பரத்தில்வாழ்
ஜகஜ்ஜோதி பெருமாளே.
நாடித் தேடி வரும்
இந்த தொழிலுக்கு முடிவு கிடையாதோ
என எண்ணிக் கதறும்
என் மனத்துயரத்தை தீர்க்க வருவாய்.
உமாதேவி பார்வதி அருளிய குழந்தையே,
அடியேனுக்கு வாய்த்த தோழனே,
வள்ளியின் கணவனே, ஈசனே,
புலியூரில் வாழும் செல்வமே,
தேவர்கள் கூட்டத்தை
வாழ்வித்த பெருமாளே.
வஞ்சகர்களை நம்பாமல்
உன்னை அன்போடு சரணம் என
நான் கதறுவது
உன் செவிகளில் விழவில்லையோ.
என்னை காக்கும் பாரம் உனக்கேயாகும்.
உனைவிட்டால் எனக்கு
யார் துணை செய்வார்,
பிரமனை குட்டினவனே,
வள்ளியை அணைத்தவனே,
க்ரௌஞ்சமலை நடுங்க, கடல் வற்ற
அசுரர்குலத்தை அழித்த கந்தா,
எம் தந்தையார் சிவபிரான்,
புலியூரில் ஆடும் நடராஜர் தம்பிரானே,
தேவர்களுக்கு அருளியதுபோல்
என் முன் தோன்றி அருளுக.
யமன் பாசக்கயிற்றினால் என் உயிரை
இழுத்துக்கொண்டு போகாமல்,
வேதங்கள் ஓதி, சர்குணப் பொருளை
நான் அறியும்படி நீ அருளவேண்டும்.
மஹாலக்ஷ்மிக்கும் திருமாலுக்கும் மருமகனே,
மலைமகள் பார்வதியின் குமரா,
இறைவன் நடனமாடும் புலியூரில் குமரேசனே,
அசுரர்களை கடலில் போர் செய்தவனே,
அடியார்களிடம் கோபத்தை
கனவிலும் காட்டாத பெருமாளே.
வடிவழக்கும், ஞான சொரூபமும்,
ஆறுமுகங்களும்,
வேதமொழிகள் மணம் வீச
மயில்மீது ஏறி அடியேன்
இருவினைகள் அழிய நீ வரவேண்டும்.
பிரமன் திருமால் மற்ற தேவர்கள் வணங்க,
ஆலகால விஷத்தை தன் கண்டத்தில் வைத்தவர்,
பாரவ்தியை இடபாகத்தில் வைத்தவருமான
சிவபிரானுக்கு ஞானோபதேசம் தந்தவனே,
இன்பநிலையில் உள்ள
முதிய முனி வ்யாகரபாதருடன்,
பாம்பின்
உருவில் உள்ள பதஞ்சலி,
நூறுகோடி ரிஷிகள்
இவர்கள் புகழும் பெருமாளே.
யானைமுகமுடைய
கற்பக விநாயகரின்
இளைய சகோதரன்,
பார்வதியின் தலைவர்
சிவனாரின் குருநாதன்,
ராமருக்கு மருமகன்,
வேலாயுதன், மயில் வாகனன்,
ஆறுமுகன், அழகன்,
சூரர்கள் அழிய
வேலை செலுத்தினவன்,
சிறந்த கவி அரசன்,
வள்ளியுடன் புலியூரில் மேவும்
சிவஞான பெருமாள்.
குகனே, குருமூர்த்தியே எனப் புகழ,
என் நாவில் இன்பத் தேன் ஊற,
இருவினைகள் நோய்கள் இவை ஒழிய,
பகல் இரவு இல்லாத
வெளியில் இன்பம் அடைந்து,
ஆனந்த நிலை பெற மயில்மீது வந்து
உன் திருவடிகளை தந்தருள்வாய்.
கொடிய போர் செய்து
அசுரர்கள் அழிய வேலை செலுத்தினவனே,
திருநடனம் செயும்
சிவபெருமான் மனம் உருக
அவருடன் விளையாடும்,
சிதம்பரத்தில் வாழ்
கந்தப் பெருமாளே.
